Adh Adhory Log - ادھ ادھورے لوگ

  پاکستان کی سیاسی تاریخ کا سیاہ باب کہ جس کے سبب حکمران ذہنی ساخت نے بیک جُنبشِ قلم محکوم لِسانی ثقافتوں سے اُن کی تمام تر تہذیبی، تاریخی اور جغرافیائی پہچان سازشاً چھین کر اپنی غاصبانہ تحویل میں لے لی۔ صدیوں سے اِس خطے میں رہنے والے کروڑوں لوگ شب بھر میں اپنی شناخت کے بحران میں یوں مبتلا کیے گئے کہ زندہ رہنے کا ہنر تک بھلا بیٹھے۔ ’’ادھ ادھورے لوگ‘‘ بپتا ہے ریاست بہاول پور میں جنم لینے والے فیاض جیسے اُن بدقسمت کرداروں کی، جن کی زندگی محض اِس لیے کبھی نہ پوری ہونے والی خواہشوں کی بھینٹ چڑھ گئی کہ وہ تقسیمِ ہند کے مضمرات میں سے گزرتے ہوئے وَن یونٹ جیسی جکڑبندی کے ٹوٹنے اور بہاول پور صوبہ بحالی کی اُمید میں اپنی غصب شدہ پہچان تلاشنے کے سفر پر نکلے تھے۔

محمد حفیظ خان