Jahan e Guzran - جہان گزراں

فکشن کی اقلیم میں اپنا سکہ منوانے کے بعد اکرام اللہ نے اپنی زندگی پر ، اس کے ابتدائی برسوں کے واقعات کو سامنے رکھ کر ، جس انداز سے نظر ڈالی ہے اسے ناولا نہ سوانح حیات کا نام بھی دیا جا سکتا ہے ۔

مشرقی پنجاب اور امرتسر میں آج سے ستراسی برس پہلے کی گزاری ہوئی زندگی کو، جو اب کسی اور سیارے کی داستان معلوم ہوتی ہے ، اکرام اللہ نے قریب سے دیکھا ہے اور اس خالفشار کو یاد کر کے دکھی ہیں جس سے برصغیر کے لوگوں کا واسطہ پڑا۔اب ان ایام کے چشم دیدگواہ خال خال ہی باقی ہوں گے ۔

اکرام اللہ کو سب سے زیادہ لگاؤ کرداروں سے ہے اور ان کی عکاسی کرتے ہوے بڑی دردمندی کا ثبوت دیا ہے ۔ فکشن نگار کی حیثیت سے ان کا فرض بھی یہی بنتا تھا کہ جانے پہچانے چھوٹے بڑے انسانوں کو یادرکھیں جو ایک نا گہانی طوفان کی زد میں آ کر بکھر گئے ۔ آپ بیتی اپنی جگہ ایک خوں چکاں دستاویز بھی ہے اور آدرشوں کے اجڑ جانے کی حکایت بھی ۔