Agha Say Agha Nasir Tak - آغا سے آغا ناصر تک

کتاب سے اقتباس:

یہ بڑا دلچسپ قصہ ہے۔ میں رات کے خبر نامہ کے بعد گھر جانے کی تیاری کر رہا تھا کہ ایوان صدر سے اے ڈی سی کا فون آیا کہ صدریحییٰ جنرل منیجر سے بات کرنا چاہتے ہیں ۔ یہ غالبا دسمبر کی چودہ یا پندرہ تاریخ تھی اور مشرقی پاکستان میں جنگ کی صورت حال بہت مایوس کن تھی ۔ میں گھبرا گیا کہ شاید خبر نامہ میں کوئی ایسی خبر چلی ہے جس کا صدر پاکستان نے نوٹس لیا ہے ۔ میں اے ڈی سے دریافت کرنا چاہتا تھا کہ ماجرہ کیا ہے مگر اس سے پہلے کہ میں کچھ کہہ سکوں اس نے کہا "The President is on line"۔ دوسری طرف یحیی خان بول رہے تھے اور میں ان کی ڈانٹ کے لئے تیار تھا۔ مگر ان کا موڈ بہت اچھا تھا۔ انھوں نے بڑے خوشگوار انداز میں مجھ سے کہا۔۔ آپ ابھی تک دفتر میں ہیں؟” میں نے کہا "جی ہاں میں خبر نامہ ختم ہونے تک ٹھہرتا ہوں ۔ " انھوں نے بڑے دوستانہ انداز میں" یار ہمارا ایک کامکردو... میرے کچھ دوست میرے پاس بیٹھے ہیں ، ہماری شرط لگی ہے کہ اگر ہو سکے تو خبروں کے بعد یہ گانا لگوادو" کل چودھویں کی رات تھی شب بھر رہا چرچا تیرا "

یہ سقوط ڈھاکہ سے دودن پہلے کی بات ہے۔اس واقعہ سے صدر کا ملکی حالات سے عدم دلچسپی کا اندازہ لگایا جاسکتا ہے -