Urdu Kay Behtreen Shaksi Khaky - اردو کے بہترین شخصی خاکے

مبین مرزا کا شمار اُن اہلِ قلم میں ہوتا ہے جن میں وسیع مطالعہ، گہری تحقیق اور پختہ رائے کارفرما ہوتی ہے۔ تبصرہ، تجزیہ، افسانہ اور تنقید ہر میدان میں انہوں نے اپنی شناخت قائم کی ہے، مگر "اردو کے بہترین شخصی خاکے" ان کی اُن نمایاں علمی خدمات میں سے ہے جس پر انہیں ہمیشہ یاد رکھا جائے گا۔
 انہوں نے خاکہ نگاری کے فن پر نہایت محنت، دقتِ نظر اور تحقیق کے ساتھ کام کیا۔ اس موضوع پر ایک جامع اور معلومات افزا دیباچہ بھی تحریر کیا جو محققین، اساتذہ اور طلبہ کے لیے مستند حوالے سے کم نہیں ہے۔ اس کے ساتھ انہوں نے اردو کے نامور اہلِ قلم کے قلم سے لکھی گئی نامور شخصیات کی یادگار تحریروں کا انتخاب کر کے انہیں تین جلدوں میں یکجا کیا۔ پہلی جلد میں 25 (صفحات 440)، دوسری میں 23 (صفحات 395) اور تیسری جلد میں 21 شخصی خاکے (صفحات 408) شامل ہیں۔ یوں تینوں جلدوں میں 69 خاکے (کل صفحات تقریباً 1250) ہیں، جبکہ دیباچے کو بھی شامل کر لیا جائے تو یہ تعداد 70 بنتی ہے۔