Imam Ahmed Bin Humbal Kay Sunehry Waqeat - امام احمد بن حنبل کے سنہرے واقعات

امام احمد بن حنبل
یوں تو امت میں بہت بڑی بڑی شخصیات پیدا ہوتی رہی ہیں، مگر امام احمد بن حنبل رحمہ اللہ ایک ایسی منفرد شخصیت تھے جن کو اللہ تعالی نے ایک خاص مقصد کے لیے پیدا فرمایا۔ امانت دیانت تقویٰ اور ذہانت و فطانت جیسی خوبیاں تو اللہ تعالی نے انہیں بہت چھوٹی عمر ہی میں عطا فرمادی تھیں۔
میں نے یہ کتاب بطور خاص نوجوان نسل کے لیے لکھی ہے تا کہ وہ امام اہل سنت احمد بن حنبل کی زندگی کے مختلف واقعات سے سبق حاصل کریں اور انہی جیسے بننے کی کوشش کریں۔
کتاب میں بعض واقعات کو اہم سمجھتے ہوئے انہیں دوبارہ یا سہ بارہ نقل کیا ہے تا کہ یہ قارئین کے دل و دماغ میں راسخ ہو جائیں۔ واقعات کے تکرار کا یہ طریق کار میں نے قرآن پاک سے سیکھا ہے۔ آپ نے دیکھا ہوگا کہ قرآن کریم میں بہت سے واقعات ایسے ہیں جن کو کئی مرتبہ مختلف اسالیب میں پیش کیا گیا ہے۔ یقینا اس کا ایک مقصد یہ بھی ہے کہ یہ واقعات پڑھنے والوں کے دل و دماغ میں پختہ ہو جائیں۔ میری یہ دلی خواہش اور تمنا ہے کہ نوجوان نسل اس کتاب کا گہرائی سے مطالعہ کرے اور ان واقعات سے سبق حاصل کرے۔ مساجد کے ائمہ و خطباء حضرات ان کی شخصیت کو منبر و محراب پر بیان کریں۔ 
عبدالمالک مجاہد