Karachi Jo Ik Shehar Tha - کراچی جو اک شہر تھا

یہ کتاب ایک ایسے شخص کی آپ بیتی ہے کہ جو بچپن میں والدین کے ساتھ اندرون سندھ سے ہجرت کر کے کراچی آ گیا تھا۔ پھر کراچی نے اس سندھی بچے کو اپنی آغوش میں لیا، اس کی تربیت کی ،اسے علم وادب سے روشناس کروایا اور بالآخر اسے اپنے عشق میں مبتلا کر دیا۔ لیکن پھر ہوا یہ کہ اچانک اس شہر کو کسی بدخواہ کی نظر لگی اور امن و امان ، روزی و روز گا راور روشنی و رونق کا یہ گہوارہ یکایک اندھیروں کی آماجگاہ بنا، خاک وخون میں غلطاں ہوا اورخوف و ہراس میں ڈوب گیا۔ حتی کہ یہ اپنے پیاروں کو خود ہی اپنے سے دور دھکیلنے لگا۔ کراچی میں رہنے ، اس میں پلنے بڑھنے ، اس سے عشق کر نےاور پھر اس سے دور بھاگنے کی یہی داستان الم اس کتاب میں بیان کی گئی ہے ۔