Sami Arbi Tareekh Say Chand Haqaiq - سامی عربی تاریخ سے چند حقائق

ڈاکٹر اسماعیل احمد ادہم مصر کے علمی و ادبی حلقوں کی ایک معروف شخصیت تھے۔ بنیادی طور پر وہ ریاضیات اور طبیعیات کے عالم تھے، اور ہر دو مضامین میں ڈاکٹریٹ کی دگری کے حامل۔مصر کے بعض ادبی مجلوں کی ادارت اور تنقیدی مطالعہ جات کے علاوہ تاریخ اور مذہبیات بھی ان کا موضوع تحقیق رہے۔مشرق و مغرب کی آٹھ عالمی زبانوں ( عربی، ترکی، فارسی، جرمن ، روسی ، اطالوی، انگریزی اور فرانسیسی ) میں مہارت رکھنے کے باعث ان کی دست رس میں وہ مطبوعہ اور مخطوطہ علمی ذخائر بھی تھے جو دیگر لوگوں کی نظر سے اوجھل رہے۔ اس لحاظ سے وہ اپنے معاصرین مین نمایاں حیثیت کے حامل تھے ۔ زیر نظر کتاب میں ان کے مجموعے کے تیسری جلد بعنوان: قضایا و مناقشات سے لیے گئے ہیں، جو 1986 میں شائع ہوئی۔

مضامین کی تفصیل یہ ہے:

1۔ عربوں کا علم الانساب : ایک تجزیاتی مطالعہ

2۔ واقعہ عالم الفیل اور رسول اسلامﷺ کی ولادت

3۔ قدیم دور میں اسرائیلیوں اور عربوں کے تعلقات

4۔ محمد حسین ہیکل کی کتاب محمدﷺ پر نقد و تبصرہ

کتاب عرب اور بنی اسرائیل کی تاریخ سے شغف رکھنے والوں کے لیے اہم کتاب ہے۔