Adalat E Uzma Say Zulfiqar Ali Bhutto Ka Tareekhi Khatab - عدالت عظمی سے ذوالفقار علی بھٹو کا تاریخی خطاب

عدالتِ عظمیٰ سے چیئرمین ذوالفقار علی بھٹو کا تاریخی خطاب

ذوالفقار علی بھٹو شہید کو بجا طور پر پاکستان کی تاریخ میں ایک مقام حاصل ہے اور یہ بھی اسی تاریخ کا ایک بدنما باب ہے کہ قائد عوام کو قتل کے ایک مقدمے میں پھنسا کر پھانسی پر لٹکا دیا گیا اور انصاف اور قانون کے تصور کو داغ دار کر دیا گیا۔ عدالت میں ان پر قتل کا مقدمہ چلایا گیا جب کہ آمریت کی سرپرستی میں ان کی مذہبی اور اخلاقی کردارکشی کی مہم چلائی گئی۔ لاہورہائی کورٹ کے فیصلے کے خلاف عدالت عظمیٰ کی اپیل کے دوران ذوالفقار علی بھٹو نے حقائق بیان کرتے ہوئے دلائل دے کر اپنا تاریخی دفاع کیا۔ 18 سے 21 دسمبر 1978ء کے دوران انہیں عدالت نے اپنی صفائی میں بولنے کا موقع دیا۔ ان کا یہ تاریخی خطاب روزنامہ "مساوات"کے لیے ارشاد راؤ اور محترمہ بے نظیر بھٹو نے وٹنس ٹُو سپلینڈر کے نام سے شائع کیا تھا۔ بعد میں ارشاد راؤنے یہ تقریر "شاہد عظمت و جلال"کے عنوان سے اردو ترجمہ کروا کر شائع کروائی اور جنرل ضیا کی طرف سے کوڑوں کی سزا کے مستحق ٹھہرے۔ جناب ذوالفقار علی بھٹو کی تقریر پر مبنی یہ کتاب پاکستان کے کئی معاملات پرروشنی ڈالتی ہے۔