Khutbat e Iqbal - خطبات اقبال

(علامہ اقبال کے 7 انگریزی خطبات پر مبنی مشہور و معروف کتاب "The Reconstruction of Religious Thought in Islam" کا سلیس اُردو ترجمہ و تلخیص)

ترجمہ و تلخیص: ڈاکٹر خلیفہ عبدالحکیم

زیرنظر کتاب علامہ اقبالؒ کے مختلف اسلامی اور فلسفی امور پر دیے گئے سات خطبات کا مجموعہ ہے۔ ان خطبات میں سے تین مدراس کے ایک مسلم تاجر سیٹھ جمال محمد کی قائم کردہ مسلم ایسوسی ایشن کے زیراہتمام پڑھے گئے۔ ان کی شہرت سن گر علی گڑھ مسلم یونیورسٹی نے انھیں یہی تینوں خطبات اپنے ہاں آ کر پڑھنے کی دعوت دی‘تب علامہ نے مزید تین خطبات پڑھنے کی ہامی بھرلی۔ یوں علی گڑھ میں چھے مقالات پڑھے گئے جو بعد میں ۱۹۳۰ء میں Six Lectures on reconstruction of Religious thought in Islam کے نام سے شائع ہوئے۔ علمی حلقوں میں اس کتاب کا خاصا چرچا ہوا۔ یوں 1932ء میں انگلستان میں آپ نے اس سلسلے کا آخری خطبہ ارشاد فرمایا۔ فکراقبال ان خطبات میں پوری طرح آشکار ہوتی ہے اور یہ خطبات بلاشبہ اقبالؒ کی فکر کو سمجھنے میں اساسی حیثیت کے حامل ہیں۔ خلیفہ عبدالحکیم جنہوں نے ان خطبات کی تلخیص اور ترجمہ کیا ہے، خود بھی بڑی صاحب علم وفضل شخصیت تھے۔ فلسفہ میں پی ایچ دی کی ڈگری کے حامل اور فلسفہ و کلام کی پیچیدگیوں سے پوری طرح آگاہ اور آشنا تھے۔ وہ 1913ء میں علامہ اقبالؒ سے متعارف ہوئے اور آخیر وقت تک دونوں علمی ہستیوں کی رفاقت رہی۔ کتاب کو نہایت اہتمام سے امپورٹڈ آرٹ پیپر پر شائع کیا گیا ہے۔ کتاب کی جلد مضبوط اور جاذب نظر ہے۔ یہ کتاب آپ کی لائبریری کے لیے ایک اچھا اضافہ ہو گی۔