Purano Ki Kahanian - پرانوں کی کہانیاں

نام کتاب.... پرانوں کی کہانیاں

مصنف....... گوپی چند نارنگ

تبصرہ........ کوثراسلام

زیر نظر کتاب "پرانوں کی کہانیاں" گوپی چند نارنگ کی شاہکار کتاب ہے میں نے پڑھنا شروع کیا تو اس میں کھو گیا.

پران ہندوستانی دیو مالا اور اساطیر کے قدیم ترین مجموعے ہیں. کہا جاتا ہے کہ یہ مہا بھارت سے بھی قدیم ہیں. مہا بھارت میں بھی پرانوں کا تذکرہ ملتا ہے. ایک جگہ ایک کردار دوسرے سے کہتا ہے.

"تمہارے باپ کو سارے پران حفظ تھے. پرانوں میں دیوتاوں کی کہانیاں اور رشی منیوں کے شجروں کا ذکر ہے عرصہ پہلے ہم نے اسے ایک دفعہ تمہارے والد سے سنا تھا"

پران قاموسی حیثیت کی کتابیں ہیں ان میں درج رشی منیوں اور بادشاہوں کے شجروں کی بڑی تاریخی اور سیاسی اہمیت ہے دوسری کتابوں کے مقابلے میں پرانوں کی اساطیر ان میں توحید پرستی اور کثرت پرستی بتوں کی پوجا خالق کائنات سے محبت فلسفہ اور توہم پرستی ہندووں کے تہوار اور اخلاقیات کے ادراک کے لیے یہ بصیرت افروز ہیں.

اس کتاب میں کل 22 کہانیاں ہیں.