Shehr e Khamoshan - شہر خموشاں

اپنے انتقال سے کچھ دیر شاید چند گھنٹوں پہلے مشہور شکاری ایلن کواٹرمین نے اپنا آخری روزنامچہ مکمل کر لیا تھا۔ یہ روزنا مچہ دراصل اس کی مہم کی حیرت انگیز داستان ہے۔اس مہم پر ایلن کواٹرمین اپنے دوستوں یعنی سر ہنری کر ٹس اور کپتان جان گڈ کے ساتھ روانہ ہوا تھا لیکن اسے واپس آنا نصیب نہ ہوا۔ خیر، تو اپنے اسی روزنا مچے کے آخری صفحے میں کواٹرمین نے اپنی بیوی کا ذکر کیا ہے جس کے انتقال کو اس وقت ایک عرصہ گزر چکا تھا۔ اس کے علاوہ کواٹرمین نے اپنی مہم کی اکثر و بیشتر داستانوں میں اپنی پہلی، حسین و جمیل اور محبت کرنے والی بیوی کی طرف مبہم سے اشارے کیے ہیں اور ساتھ ساتھ وہ یہ بھی اکثر جگہ لکھ گیا ہے کہ اس نے اپنی پہلی بیوی کی داستان ایک الگ مسودے میں مکمل طور سے لکھ دی ہے۔خیر، ایلن کواٹرمین کے انتقال کے بعد اس کے تمام کاغذات میرے حوالے کردیے گئے، کیونکہ اس کے ادبی ذخیرے کا وارث میں ہی ہوں۔ ان کاغذات میں ایلن کواٹر مین کی مہمات کے بہت سے مسودے تھے۔ اس عجیب و غریب شخص نے جس کے پیروں میں ایک چکر تھا، پورے افریقا کو اس سرے سے اس سرے تک گویا کھنگال کر رکھ دیا ہے اور اپنے مسودات میں اس نے اپنی جان لیوا اور خطرناک مہمات کا ذکر بڑی تفصیل سے اور اپنے مخصوص انداز میں کیا ہے، مجھے جو مسودات دیے گئے انہی میں ایک مسودہ یہ ہے جسے میں زیور طبع سے آراستہ کروارہا ہوں۔

۔

زندہ کتابیں سلسلہ نمبر 367

بین الاقوامی ادب کی زندہ کتاب

شہر خموشاں ... Allan's Wife and Other Tales by Rider Haggard